Saltar ao contido principal
Xornal

O Instituto de Acuicultura recibe a visita da investigadora Sandra Shumway

Actualizada: 02-05-2019 12:35
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Sandra Shumway, no centro da imaxe, xunto con persoal investigador da USC

O Instituto de Acuicultura da USC vén de recibir a visita da investigadora e catedrática do Departamento de Ciencias Mariñas da Universidade de Connecticut e editora do Journal of Shellfish Research, Sandra Shumway. A doutora Shumway está especializada en ecoloxía fisiolóxica de invertebrados mariños, bioloxía de moluscos, acuicultura e algas tóxicas. Actualmente, os seus estudos céntranse nos impactos de diferentes especies de algas tóxicas nos moluscos e na acuicultura.

Integrante da Comisión Asesora Externa deste instituto da USC, aproveitou a súa participación do 22nd International Pectinid Workshop para visitar as instalacións universitarias e coñecer de primeira man os obxectivos e as liñas de investigación que se desenvolven neste centro universitario, ademais de intercambiar opinións sobre os distintos ámbitos da acuicultura cos investigadores do centro. O 22nd International Pectinid Workshop reuniu en Santiago de Compostela os principais investigadores no ámbito da acuicultura, fisioloxía, bioquímica, ecoloxía e pesqueirías dos pectínidos.