Saltar ao contido principal
Xornal

Aberto o prazo para o concurso Innovatia 8.3.

Recoñece empresas creadas co apoio das universidades e lideradas por mulleres

Actualizada: 06-05-2019 13:06
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

A USC e o Instituto da Muller e para a Igualdade de Oportunidades convocan a segunda edición do  Concurso INNOVATIA 8.3. Premios ás empresas creadas co apoio das universidades e lideradas por mulleres.

Co financiado polo Fondo Social Europeo e cuxo prazo de presentación remata o 31 de xullo, o certame está dirixido a empresas formadas con presencia maioritaria de mulleres no seu consello de dirección ou de administración e que teñan contado co apoio dalgunha universidade española.

O concurso contempla dous premios: ao proxecto empresarial de base tecnolóxica, dotado con 10.000 euros e asesoramento personalizado durante 6 meses por unha profesional referente no sector, e ao proxecto empresarial Startup, premiado con 7.000 euros e asesoramento durante 3 meses.