Saltar ao contido principal
Xornal

Capela Compostelana ofrece este luns un concerto no Círculo das Artes de Lugo no marco do ciclo ‘Músicas a carón da Mosqueira’

A actuación da formación dirixida por Miro Moreira comezará ás 20.30 horas. A entrada é libre e de balde ata completar o aforo

Actualizada: 10-05-2019 14:30
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Capela Compostelana, nunha imaxe de arquivo

A Capela Compostelana ofrece este luns, a partir das 20.30 horas, no Círculo das Artes de Lugo, no marco do ciclo ‘Músicas a carón da Mosqueira’, un programa de música de cámara organizado ao abeiro do convenio Lugo Cultural, que recibe financiamento da USC, Concello de Lugo e Deputación Provincial de Lugo.

 

A formación dirixida por Miro Moreira, que estará acompañada por varios solistas durante a súa actuación, ofrecerá na capital luguesa un repertorio de música barroca do século XVII, a través da que o público poderá viaxar a través de dous continentes situados a un e ao outro lado do Atlántico.

 

O concerto antóllase como unha mostra de como a música non litúrxica, pero si relixiosa, pode ser vehículo certeiro de evanxelización, non só en diferente idiomas, senón tamén en diferentes estilos nacionais e dirixidas a diferentes culturas. A entrada ao concerto é libre e de balde ata completar o aforo.