Saltar ao contido principal
Xornal

Sentida homenaxe ao profesor Juan Antonio Hernández Les da facultade de Ciencias da Comunicación

Actualizada: 13-05-2019 10:50
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Os profesores Hueso, González Herrán e Viña Liste, no acto

A Facultade de Ciencias da Comunicación da USC rendeulle hai uns días unha homenaxe póstuma ao que fora profesor Juan Hernández Les nun emotivo acto que presidiu a vicerreitora de Comunicación, Mar Lorenzo Moledo.

No auditorio do centro, familiares, amizades e compañeiros do que fora profesor dende os inicios dos estudos de Xornalismo en Santiago congregáronse para homenaxear a un docente que tiña no cine a súa maior paixón. Tanto é así, que a partir de agora a sección de cine da biblioteca da facultade levará o seu nome. O persoal deste servizo organizou paralelamente unha exposición coas súas obras, con más de 80 entradas no Jacobus da USC e coas películas que utilizaba para as súas clases.

Ademais das intervencións da vicerreitora, o decano da facultade e o seu fillo, o xornalista Hugo Hernández, no acto proxectouse a película Casablanca precedida das palabras de varios profesores da USC. José Manuel González Herrán eloxiou a súa figura e o seu estilo literario, mentres que José María Viña Liste presentou o libro póstumo de Les El libro de las brisas imaginarias. Luis Hueso, encargado de presentar a película, falou da paixión polo cinema de Hernández Les que soubo transmitir ao seu alumnado durante o último cuarto de século, que lembra con especial agarimo as súas leccións sobre o pudor na comunicación ou as clases maxistrais sobre o documental ‘El desencanto’ de Jaime Chávarri. 

O profesor Les
Juan Hernández Les (A Coruña, 1949- 1919) doutorouse na Facultade de Xeografía e Historia da USC en 1986 e exerceu como profesor na Facultade de Ciencias da Información da Universidade Complutense e na de Xornalismo de Santiago.

Exerceu a crítica cinematográfica nas revistas Cinema 2020, Fotogramas, Cambio 16 e Guía del Ocio. É autor de, entre outros, El cine de autor en España 1978); El último austro-húngaro. Conversaciones con Berlanga (1981); El cine de Elías Querejeta (1986), Historia comparada del periodismo en prensa, radio y televisión (1996); Discurso del pudor en la comunicación (1999); Confesiones de un crítico de cine (2002); Cine y literatura. Una metáfora visual (2005); Orson Welles. La dignidad estética (2008); Michael Haneke. La disparidad de lo trágico (2013); Kenji Mizoguchi. El héroe sacrílego (2015); La sombra de una duda (2015) e Condenada belleza del mundo (2016).


Outras imaxes


Sección de cine da biblioteca da facultade que leva o seu nome