Saltar ao contido principal
Xornal

A colección ‘Biblioteca de Pedagoxía’ que dirixe o profesor Antón Costa, premio á Mellor Iniciativa bibliográfica

Actualizada: 20-05-2019 12:38
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Antón Costa, nun momento da recepción do recoñecemento

O catedrático de Teoría e Historia da Educación Antón Costa Rico dirixe a Biblioteca de Pedagoxía, unha iniciativa da Editorial Kalandraka que acaba de ser recoñecida co premio á mellor Iniciativa bibliográfica na cuarta edición da Gala do libro Galego.

Esta colección acubilla ata o momento un total de oito títulos de relevancia dentro do ámbito específico de Pedagoxía agora traducidos ao galego. Entre outros figuran obras de Francesco Tonucci (A cidade dos nenos e Cando os nenos din basta!), Jean Piaget (A psicoloxía infantil e a nova educación), Maria Montessori (Educación para un mundo novo), Paulo Freire (Pedagoxía do oprimido), Lev Vigotski (A imaxinación e a expresión artística na infancia), Philippe Meirieu (Carta a un profesor mozo) e o libro Carta a unha profesora, texto escrito por nenas, nenos e adolescentes dunha escola rural italiana entre 1966 e 1967 para denunciar a selectividade social que impón un modelo de educación clasista e conservadora.


Outras imaxes


Captura da web de www.kalandraka.com