Saltar ao contido principal
Xornal

Unha ampla representación da Rede de Centros Singulares da USC participa en Braga no encontro internacional sobre nanotecnoloxía Nanomed Europe 19

Actualizada: 19-06-2019 10:22
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

A Rede de Centros Singulares da USC estivo presente cunha destacada representación de grupos

Conferencias maxistrais, sesións paralelas sobre investigación académica na área, translación cara á clínica e tendencias en tecnoloxías médicas disruptivas. O Congreso Internacional  NME19 reúne esta semana na cidade de Braga (Portugal) persoal científico, empresas, axencias e funcionariado da Comisión Europea interesados no desenvolvemento da nanomedicina, tanto no ámbito da investigación como na clínica e a industria.

Entre as citas máis destacadas do encontro cabe destacar a conferencia plenaria que impartirá este mércores a profesora María José Alonso, investigadora do  CiMUS e representante da USC ante a Plataforma Europea de  Nanomedicina (ETPN). Ademais, a investigación da USC estará amplamente representada a través das dez comunicacións orais que conducirán diferentes equipos de investigación da Rede de Centros Singulares (CiMUS,  CiQUS e  CiTIUS), así como do  AeMAT, a nova Agrupación Estratéxica en Materiais da universidade compostelá.

O obxectivo destas comunicacións é presentar os resultados de investigación obtidos en áreas relacionadas coa temática principal do congreso, como nanosistemas intelixentes para o transporte de fármacos, sistemas biomiméticos,  nanosensores para medicina personalizada, terapias celulares e  xénicas ou medicina  rexenerativa;  un paquete de iniciativas presentadas non só desde unha perspectiva de investigación básica, senón tamén  traslacional.