Saltar ao contido principal
Xornal

Alumni celebrará a súa asemblea xeral ordinaria

Nunha asemblea xeral extraordinaria posterior elixirá nova xunta directiva

Actualizada: 03-07-2019 14:08
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Alumni USC celebrará este xoves 4 a súa asemblea xeral ordinaria no Salón de Actos da Facultade de Filosofía a partir das 18.00 horas que presidirá o vicerreitor de Profesorado, Ernesto González Seoane. Entre os puntos da orde do día figuran a presentación da memoria de 2018 e o informe de ingresos e gastos do ano pasado así como a aprobación do orzamento 2019 e a presentación da nova páxina web e do novo logo.

Deseguido, a partir das 19.15 horas celebrarase unha asemblea extraordinaria para a elección da nova Xunta Directiva que se renovará coas incorporacións da vicerreitora de Comunicación, Cultura e Servizos, Mar Lorenzo, e das profesoras Loreto Fernández Fernández e Ángeles López Cabarcos. A partir das 19.30 horas terá lugar un acto de recoñecemento aos últimos socios protectores. Entre os empresarios que recollerán o diploma acreditativo figuran o presidente da Cámara de Comercio de Santiago, José Sierra; o responsable de Campus na Nube, Antonio Vázquez; e o director xeral do grupo Intaf, José R. Franco, quen intervirá en nome dos homenaxeados.