Saltar ao contido principal
Xornal

Xuntanza final do proxecto europeo Euriper, sobre políticas rexionais e de innovación da Unión Europea

Actualizada: 10-07-2019 13:03
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Cartel do encontro que se celebra este xoves e o venres

O proxecto EURIPER (EU Regional and Innovation Policies and Peripheral Regions) celebrará este xoves 11 e o venres 12 a súa conferencia final na Facultade de Ciencias Económicas e Empresariais. EURIPER fora seleccionado pola Comisión Europa para difundir e debater a importancia das políticas rexionais e de innovación da Unión Europea, en particular para aquelas rexións menos desenvolvidas. O proxecto lidérao o profesor do grupo ICEDE, Manuel González.

Para acadar o seu obxectivo, Euriper estableceu unha rede académica e de investigación encargada de desenvolver actividades de investigación e docencia sobre a materia, coa participación de policy-makers tanto da Comisión Europea como das distintas rexións ás que pertencen os investigadores e investigadoras do proxecto. No seu desenvolvemento contou cun grupo científico-académico formado por oito especialistas de catro universidades europeas, concretamente da USC e das universidades de Bari (Italia), de Jagiellonian (Polonia) e Agder (Noruega). Ademais, tamén interviu un grupo asesor formado por seis investigadores de recoñecido prestixio pertencentes ás universidades de Kiel (Alemaña), Lund (Suecia) e á Copenhagen Business School (Dinamarca).

O proxecto debía incidir en tres cuestións concretas como son o proceso de integración europea e as políticas rexionais e de innovación na UE; o catálogo existente destas políticas; e o seu impacto nas rexións periféricas.

Conferencial final
A inauguración deste encontro de clausura do proxecto Europer comezará este xoves 11 a partir das 9.30 horas na Facultade de Ciencias Económicas, dando paso á quenda de intervencións sobre políticas rexionais e de innovación, cuestións que continuará abordándose o venres 12 a través da presentación de casos de estudo.