Saltar ao contido principal
Xornal

Unha mostra fotográfica reflexiona sobre a importancia que ao longo da historia tivo a Vía Láctea como guía de peregrinos a Compostela

Inaugúrase este luns no Colexio de Fonseca onde permanecerá exposta ata finais de mes

Actualizada: 09-09-2019 14:09
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Detalle da instalacións que se poderá visitar no Claustro alto do Colexio de Fonseca

A mostra fotográfica ‘Vía Láctea, guía de Peregrinos a Galicia’ reúne 40 láminas gran formato realizadas en aluminio seleccionadas do libro editado por Lúdica7 Galicia un lugar mágico para contemplar las estrellas. As fotografías realizadas por Daniel Llamas e Daniel Lois mostran a aparición da Galaxia dende diferentes lugares único de Galicia. A inauguración da exposición celébrase este luns 9 a partir das 19.00 horas no claustro alto do Colexio de Fonseca da USC onde se poderá visitar ata o próximo día 26.

Comisariada por Alfonso Freire, editor do libro de Lúdica7, e pola escritora e catedrática de Matemáticas María Victoria Veguín Casas, autora de La Vía Láctea Camino de dioses, almas y peregrinos, que serviu de fío condutor para este nova proposta expositiva, integrada nos actos promocionais do Xacobeo 21. En opinión dos seus comisarios, trátase dunha “proposta pioneira por canto reflexiona sobre a importancia que ao longo da historia tivo a Vía Láctea como guía dos peregrinos a Compostela para ver e honrar a tumba do Apóstolo”. Alfonso Freire e María Victoria Veguín lembran como xa dende a publicación do Códice Calixtino esta galaxia foi “unha mancha blanquecina que os peregrinos observaban no seu camiñar a Galicia”.

A proposta fotográfica de Daniel Llamas e Daniel Lois, engaden os comisarios, é ademais unha invitación a “reflexionar sobre a necesidade de non perpetuar a contaminación lumínica no Camiño de Santiago, desenvolvendo accións en favor do ceo nocturno e da observación de estrelas”.